హాలీవుడ్ దర్శకుడు జేమ్స్ కామెరాన్ తెరకెక్కిస్తున్న ప్రతిష్టాత్మక చిత్రం ‘అవతార్ 3: ఫైర్ అండ్ యాష్’పై సినీ అభిమానుల్లో భారీ అంచనాలు నెలకొన్నాయి. ఇప్పటికే విడుదలైన ‘అవతార్’ సిరీస్ చిత్రాలు ప్రపంచవ్యాప్తంగా సంచలన విజయాలు సాధించిన సంగతి తెలిసిందే.
ఈ నేపథ్యంలో మూడో భాగమైన ‘ఫైర్ అండ్ యాష్’లో పాండోరా గ్రహంలోని కొత్త తెగలు, మరింత ఉత్కంఠభరితమైన కథనం ఉండనుందని చిత్ర బృందం తెలిపింది. ముఖ్యంగా ఈ భాగంలో డార్క్ షేడ్ క్యారెక్టర్లు, కొత్త సంఘర్షణలు ప్రేక్షకులను ఆకట్టుకునేలా ఉండనున్నట్లు సమాచారం.
అత్యాధునిక విజువల్ ఎఫెక్ట్స్తో పాటు భావోద్వేగభరితమైన కథనంతో ఈ చిత్రం ప్రేక్షకులకు కొత్త అనుభూతిని అందించనుందని సినీ విశ్లేషకులు అంచనా వేస్తున్నారు. ఇప్పటికే పోస్ట్-ప్రొడక్షన్ పనులు వేగంగా కొనసాగుతున్న ఈ చిత్రం విడుదలకు సిద్ధమవుతోందని తెలుస్తోంది.
‘అవతార్ 3: ఫైర్ అండ్ యాష్’ విడుదలతో మరోసారి హాలీవుడ్ బాక్సాఫీస్ రికార్డులు బద్దలవుతాయనే నమ్మకం పరిశ్రమ వర్గాల్లో వ్యక్తమవుతోంది.
